Zgjedhjet parlamentare, KQZ i paguan DHL 6.7 mln lekë për votën e diasporës

Gjashtë muaj pas zgjedhjeve parlamentare të 11 majit, KQZ i ka paguar kompanisë kontraktore DHL-së  6.7 milionë (676,036,722) lekë për shërbimin postar të votës së diasporës.

Sipas KQZ-së, pagesa përfshin të gjitha shpenzimet e kontraktuara me DHL, teksa kompania kontraktore ka kërkuar më herët 9.2 milionë duke llogaritur dhe kamat vonesat.

Pagesa vjen pas përfundimit të verifikimeve financiare, nga KQZ , mbi dokumentacionin e dorëzuar nga kompania kontraktore.

Vota e diasporës ishte procesi i parë ku shqiptarët votuan nga jashtë vendit me postë.

Gazetare: Jonida Omeri

/rtsh.al/