117 pronare shpallen fitues te fondit prej 5 milione USD

Dorina Azo
Perfundon hartimi i listes se pronareve fitues, te cilet do te kompensohen nga fondi prej 500 milione lekesh, i vene ne dispozicion nga buxheti i shtetit. Sot, 117 subjekte te shpronesuara do te terheqin leket per 200 metra katrore toke. Numrin me i larte i fituesve eshte ne Tirane, nga ku kane perfituar 37 ish-pronare. Po ashtu, ne shifra te larta jane edhe fituesit e qarkun te Korces, ku AKKP-ja ka nxjerre 33 fitues. Ne qarkun e Vlores jane shpallur 14 ish- pronare perfitues per kompensim, ne qarkun e Lezhes 18 ish-pronare dhe ne qarkun e Gjirokastres 5 ish-pronare. Po ashtu jane shpallur dy fitues ne qarkun e Kukesit dhe 9 fitues ne qarkun e Beratit. Drejtori i Agjencise se Kthimit dhe Kompensimit te Pronave, Besnik Maho, deklaroi dje se fituesit e shpallur do te terheqin leket pas paraqitjes se dokumenteve ne AKKP. "Fillimisht subjektet fituese duhet te paraqesin nje dokument identifikimi, nje numer llogarie prane "Raiffesen Bank", ku do te kalohet shuma e parave, si dhe nje numer llogarie te trashegimtareve per terheqjen e lekeve", nenvizoi kreu i AKKP-se, Besnik Maho. Perzgjedhja e fituesve eshte kryer ne baze te vendimit te qeverise, ku kerkesat jane perzgjedhur sipas vjetersise se vendimeve. Fituesit jane shpallur pas nje procesi te gjate te shqyrtimit sipas procedurave ligjore. Konkretisht, mbi cdo kerkese te paraqitur, Agjencia e Kthimit dhe Kompensimit te Pronave ka kryer verifikimin per cdo dosje te depozituar nga pronaret dhe vendimet qe kane marre zyrat rajonale te Kthimit dhe Kompensimit te Pronave. Nga ana tjeter, nga zyrat vendore te Kthimit dhe Kompensimit te Pronave eshte konfirmuar cdo e dhene, vlefshmeria e tyre dhe cdo e dhene tjeter qe kerkohet. Gjithashtu, Agjencia e Kthimit dhe e Kompensimit te Pronave ka verifikuar cdo dokument, i cili verteton qe prona ka ndryshuar gjendjen juridike te pronesise nga casti i daljes se vendimit ne favor te subjektit te shpronesuar. Pas percaktimit te planvendosjes se truallit te shpronesuar, Agjencia e Kthimit dhe e Kompensimit te Pronave ka llogaritur vleren e kompensimit per cdo subjekt te shpronesuar. Me perfundimin e procesit te regjistrimit per fondin e kompensimit ne gare per ndarjen e 5 milione lekeve ishin 467 ish-pronare per qarqet Gjirokaster, Berat, Korce, Lezhe, Kukes dhe Diber. Gjithashtu, ne kete proces jane ish-pronaret e Tiranes si qytet dhe te Vlores. Ne momentin fillestar te regjistrimit te kerkesave kishte keto te dhena. Tirana rezultonte me 201 kerkesa; Vlora me 39 kerkesa; Korca me 81 kerkesa; Berati me 50 kerkesa; Gjirokastra me 21 kerkesa; Kukesi me 6 kerkesa; Dibra me 3 kerkesa dhe Lezha me 37 kerkesa. Pas ketij procesi, AKKP-ja ka nisur procesin e verifikimit te dokumenteve te paraqitur nga ana e ish-pronareve. Ky proces verifikimi ka zgjatur per afro dy muaj, ku ekspertet e juristet e AKKP-se se bashku me zyrat rajonale te perfshira ne procesin e perfitimit te fondit prej 500 milione lekesh. Te gjithe dokumentet e paraqitur nga ana e ish-pronareve kane kaluar ne filtrin e zyres qendrore te AKKP-se, per t'u verifikuar nese jane sipas kritereve ligjore apo jo. Per vitin 2008, qeveria ka parashikuar te njejtin fond per te realizuar kompensimin e ish-pronareve. Ndersa AKKP-ja ve theksin serish ne domosdoshmerine e krijimit te fondit fizik te prones, per t'u perdorur per kompensimin e ish-pronareve. Ajo kerkoi qe institucionet shteterore te realizojne sa me pare kete fond, per te krijuar kompensimin fizik, i cili mund te ule ndjeshem faturen financiare per kompensimin ne leke per ish-pronaret.
Fituesit sipas qarkut:
Tirane 37
Berat 9
Kukes 2
Korce 33
Vlore 14
Lezhe 18
Gjirokaster 5