‘Orfeu me lyrë’ i kthehet Turqisë

SHBA’të i kanë kthyer Turqisë mozaikun e vjedhur në vitin 1998, në të cilin shfaqet Orfeu, një karakter ky i mitologjisë greke, u njoftua nga ministri turk i Kulturës, Ertugrul Gunay.

Mozaiku, në të cilin shihet Orfeu duke luajtur në lyrë dhe duke joshu kafshët, në Turqi ka rritur gjatë fundjavës. Moaziku është kthyer nga Muezu i Arteve në Dallas, falë një marrëveshjeje të përmbyllur mes Turqisë dhe këtij institucioni të shtetit federal të Teksasit, sqaroi Gunay.

Përfaqësuesit e muzeut amerikan ndërkaq kanë iniciuar edhe një shkëmbim kulturor ndërkombëtar, gjë që nënkupton edhe huazimin e shumë veprave artistike.

Mozaiku fillimisht do të ekspozohet për pak kohë në Stamboll, e pastaj do të udhëtojë drejt vendlindjes së tij, Sanliurfa, në juglindje të Turqisë.

Ndryshe, Muzeu i Dallasit kishte blerë këtë mozaik për 85,000 dollarë, në një ankand të organizuar në vitin 1999. Në ndërkohë ishte konstatuar se vepra ishte vjedhur nga një vendndodhje arkeologjike në Turqi.