Çelsi gati ofertën e fundit për francezin Riberi

Mesfushori francez kohët e fundit është më i kërkuari nga trajneri italian i Çelsit, Karlo Ançeloti. “Daily Mail” raporton se presidenti i klubit Roman Abramoviç pritet t’i ofrojë gjermanëve të Bajernit mbi 45 milionë sterlina.

Por, Bajerni i Mynihut është shprehur se futbollisti francez është i pashitshëm pavarësisht ofertave të shumta. Çelsi në këtë pistë duket se ka eliminuar konkurrencën e Realit të Madridit, i cili arriti të marrë francezin tjetër, Karim Benzema.