2008, i gjithe biznesi me kasa

Brenda 3-mujorit te pare te ketij viti do te behet e mundur pajisja me kasa fiskale e biznesit te madh ne qytetet kryesore Tirane dhe Durres dhe, deri ne fund te 6- mujorit, procesi do te perfundoje ne te gjithe vendin per biznesin e madh, ndersa per biznesin e vogel ky proces do te filloje gjate 6-mujorit te dyte dhe do te perfundoje ne fund te vitit, tha dje drejtori i Procedurave prane DPT, Niko Lera. Ai tha se, aktualisht ne Ministrine e Financave eshte ngritur grupi i punes, i cili do te organizoje tenderin per perzgjedhjen e kompanise, e cila do te beje te mundur importin si dhe sigurine e kasave fiskale, proces i cili pritet te perfundoje brenda dymujorit te pare te vitit. Drejtori i Procedurave prane DPT-se, Niko Lera, tha se pajisja me kasa do te funksionoje normal pavaresisht pretendimeve te biznesit se ka probleme me furnizimin me energji elektrike. "Gjate periudhes kur nuk ka energji elektrike, biznesi do te perdore metodat alternative si faturat e dores apo alternativa te tjera dhe ne rastet kur gjate kontrollit do te gjenden parregullsi, atehere do te kete penalizime per biznesin", tha Lera. Per sa i perket faktit se aktualisht nje pjese e biznesit operon me kasa fiskale, Lera u shpreh se, "ne qofte se kasat fiskale te vjetra jane ne perputhje me kerkesat e sigurise te vendosura, nuk ka arsye pse te hiqen". Ne te gjithe vendin jane te regjistruar rreth 12 mije biznese te medha dhe rreth 70 mije biznese te vogla.