26 vjet nga ndalja e bombardimeve të NATO-s kundër Serbisë

Sot shënohen 26 vite nga ndalja e bombardimeve të Aleancës së Atlantikut të Veriut kundër Serbisë, bombardime të cilat i dhanë fund luftës në Kosovë.

Sekretari i atëhershëm i përgjithshëm i NATO-s Javier Solana më 10 qershor 1999 urdhëroi ndalimin e bombardimeve ndaj Serbisë, ndërsa Këshilli i Sigurisë të Organizatës së Kombeve të Bashkuara në po të njëjtën ditë miratoi Rezolutën 1244, ku u dërguan 37.200 ushtarë të KFOR-it nga 36 shtete.

Më pas më 12 qershor 1999, në Kosovë zbarkuan trupat e para të këmbësorisë së  Aleancës së Atlantikut të Veriut, ndërsa nisi largimi i forcave serbe.

Misioni u nda në pesë zona të përgjegjësisë, që i përkisnin KFOR-it amerikan, britanik, francez, gjerman dhe italian.

Me hyrjen e NATO-s në Kosovë ka nisi edhe vendosja e misionit të përkohshëm të Organizatës së Kombeve të Bashkuara, i cili do të administronte vendin për një periudhë të caktuar kohore.

/rtsh.al/