4 shqiptarë dhe një pakistanez arratisen nga rajoni i policisë në Kretë

5 të arrestuar janë arratisur mëngjesin e kësaj të hëne nga Komisariati i Kretës, duke prerë parmakët e qendrës së nëndheshme të paraburgimit.

Të arrestuarit, katër shtetas shqiptarë dhe një pakistanez, ndodheshin në Komisariat pas transferimit nga burgjet e Athinës dhe pritej të transferoheshin në Qendrën e Paraburgimit Ajias në Hania. 

Por duke qenë se ishte ditë e shtunë dhe sekretariati i burgjeve ishte i mbyllur, do të qëndronin në Komisariatin e Policisë deri të hënën.

Mediat greke bëjnë me dije se të arratisurit janë dënuar për vrasje, grabitje dhe krime të tjera.

Që nga mëngjesi, forcat e sigurisë po “krehin” zonën e gjerë për kapjen e tyre, ndërsa po këqyrin edhe kamerat e sigurisë të banesave dhe dyqane përreth.

/rtsh.al/