AK nis fushaten turistike

Aleanca Kuq e Zi ka nisur nga Durrësi fushatën në zonat turistike bregdetare të vendit. Në fjalën e mbajtur në plazhin e Durrësit, kreu i Aleancës, Kreshnik Spahiu duke i uruar mirëseardhjen në vend emigrantëve shqiptarë, ka fshikulluar me akuza dy partitë e mëdha politikë të cilat sipas tij kanë tradhëtuar besimin e shqiptarëve të emigruar.

Ai i bëri thirrje emigrantëve të kthejnë sytë nga vendi i tyre duke deklaruar dhe përpjekjet që AK do të bëjë për vendosjen e të drejtës së votës për të gjithë shqiptarët që jetojnë jashtë.

Gjatë fushatës bregdetare në plazhet e Durrësit e Kavajës vetëm gjatë një jave, AK thotë se ka bërë rreth 1200 anëtarsime të reja.