Abazi: Ne treg, ilace te rrezikshme, mjeket t'i raportojne Luljeta Ndoka

Moskomunikimi i mjekeve me pacientet eshte mjaft i rrezikshem, dhe con ne pasoja per jeten. Kjo, jo ne menyre te drejtperdrejte, por te terthorte, pasi ne nje pjese te madhe te rasteve, mjeket nuk i sqarojne pacientet per rreziqet qe shfaqin disa nderhyrje kirurgjikale, apo lloje te caktuara medikamentesh. Ky eshte shqetesimi me i madh qe shpreh presidenti i Urdhrit te Mjekut, Dine Abazi, i cili ben thirrje qe te ndryshoje situata dhe mjeket te behen me te pergjegjshem. Sigurisht qe Abazi nuk i perfshin te gjithe mjeket ne kete lloj fenomeni, por ama ai shprehet se ka shume ankesa ne drejtim te Urdhrit te Mjekut, pikerisht per faktin se pacientet nuk sqarohen. Abazaj thote, se mjaft ankesa vijne ne drejtim te medikamenteve qe u perdoren pacienteve, dhe shume nga to nuk u japim rezultatet e duhura. Ai thote se keto medikamente duhet te raportohen nga mjeket dhe te ritestohen, pasi kane rrezikuar deri edhe jeten e pacienteve, pra, duhet te dalin edhe nga tregu. "Ekzistojne rreziqet nga mjetet qe perdoren, qofte nga medikamentet. Ka plot vdekje nga medikamentet. Ka medikamente qe jane ne perdorim, pas disa vitesh ka shembuj qe eshte perdorur per 20 vjet nje preparat, dhe ne fund kane dale dhjetera njerez te vdekur prej tij", - thekson presidenti i Urdhrit te Mjekut. Gjate gjithe vitit, pacientet kane depozituar me shume ankesa ne institucionin e Urdhrit te Mjekut, ne lidhje me mungesen e sqarimit nga ana e mjekeve mbi ekzaminimet, preparatet dhe nderhyrjet kirurgjikale qe kryejne kundrejt pacienteve. Presidenti i ketij urdhri, Dine Abazi, thote se pasi t'i kete sqaruar, cdo mjek duhet te marre firmen e pacienteve per cdo veprim qe ndermerr. Mungesa e etikes ne menyren e sjelljes nga ana e bluzave te bardha, eshte nje tjeter pike e rendesishme, ku eshte ndalur presidenti i Urdhrit te Mjekut. Por, edhe pse jane marre masa disiplinore ne kete drejtim, sipas Abazit ne spitalet e vendit, fenomeni ende eshte prezent. Ne menyre te vazhdueshme, ai ka bere thirrje per marrjen e masave disiplinore, me qellim zbutjen e ketyre problemeve te medha. Keshtu, pak dite me pare, Abazi shprehu nje tjeter shqetesim qe ka te beje me delegimin e pacienteve nga spitalet shteterore, drejt klinikave private, ose "trafik pacientesh", sic e quajti kreu i Urdhrit te Mjekut. Sipas tij, nje numer i madh pacientesh jane ankuar se mjeket i kane cuar drejt spitaleve apo klinikave private, cka eshte shoqeruar me nje kosto te larte. "Urdhri i Mjekeve eshte i gatshem dhe do te marre masa ndeshkimore ndaj rasteve te raportuara dhe te denoncuara per keto probleme, deri ne heqjen e licences", - shprehu vendosmerine, Abazi.

Shqetesimet e Urdhrit te Mjekut:

Mjeket nuk komunikojne me pacientet.

Ata duhet t'i sqarojne per efektet negative te nderhyrjeve dhe ilaceve.

Duhet t'u marrin firmen, per cdo nderhyrje.

Nuk duhet t'i delegojne te spitalet private.

Duhet te kene komunikim me njerezor me te semuret.

Pacientet duhet te ndalin dhunen ndaj mjekeve.

Te ndeshkohen te gjithe ata qe shkelin ligjin.