Afganistan, 5 të vrarë nga një sulm vetëvrasës

Një sulm vetëvrasës ka lënë të vrarë të paktën pesë persona në provincën Kandahar të Afganistanit.
 

Zëdhënësi i ISAF-it Adam Wojack tha se në mesin e viktimave është edhe një pjesëtar i forcave të koalicionit dhe një pjesëtar i shërbimit civil, ndërsa të tjerët pjesëtarë të ANSF-së.
 

Zëdhënësi i provincës së Kandaharit Jawed Faisal tha se një person hodhi veten në erë në një postbllok afër zyrës së agjencisë afgane të inteligjencës, në distriktin Maruf.