Erdogan kritikon ashpër KS të OKB-së

Kryeministri i Turqisë kritikoi ashpër Këshillin e Sigurimit të OKB-së për dështimin e tij në dhënien fund të luftës civile 19 mujore në Siri.

Rexhep Tajip Erdogan tha në një konferencë ndërkombëtare në Stamboll se bota është dëshmitare e një “tragjedie humanitare” në Siri.

Ai tha se “nëse presim ende një ose dy anëtaret e përhershme ... atëherë e ardhmja e Sirisë do të jetë në rrezik.”

Rusia dhe Kina, dy nga pesë anëtaret e përhershme të Këshillit të Sigurimit, kanë vënë veto ndaj rezolutave që do t`i bëjnë presion Damaskut dhe do t`I japin fund konfliktit në Siri.

Të mërkurën, Turqia ka ndaluar një aeroplan pasagjerësh sirianë që shkonte nga Moska për në Damask, nën justifikimin se në bord kishte pajisje ushtarake.