Aksident i trefishtë në aksin Lezhë-Laç, një person i dëmtuar

Një aksident i trefishtë ndodhi në aksin rrugor Lezhë-Laç, në kryqëzimin e Spitenit.

Në aksident janë përfshirë tre automjete, ndërsa si pasojë e përplasjes një person ka mbetur i lënduar.

I dëmtuari është transportuar për ndihmë mjekësore dhe, sipas informacioneve paraprake, ndodhet jashtë rrezikut për jetën.

Në vendngjarje kanë mbërritur shërbimet e policisë, ndërsa grupi hetimor po punon për zbardhjen e rrethanave dhe shkaqeve të aksidentit.