Aksident në Divjakë- Makina përplas motomjetin, humb jetën 15-vjeçari

Një aksident me pasojë vdekjen e një 15-vjeçari është regjistruar sot (24 qershor) në Divjakë. Sipas informacioneve paraprake, bëhet me dije se një automjet ka përplasur motomjetin me drejtues të miturin, i cili si pasojë e plagëve të marra ka ndërruar jetë.

Drejtuesi i automjetit është shoqëruar në Komisariat dhe po kryhen veprimet hetimore procedurale.

“Rreth orës 12:30, në fshatin Kamenicë, automjeti me drejtues shtetasin R. Ç., është përplasur me motomjetin me drejtues një shtetas 15 vjeç.

Si pasojë e përplasjes ka ndërruar jetë 15-vjeçari. Është shoqëruar në Komisariat drejtuesi i automjetit dhe po kryhen veprimet hetimore procedurale.

Grupi hetimor po punon për sqarimin e plotë të rrethanave dhe shkakut të aksidentit”, thuhet në njoftim.