Akuzat për korrupsion dhe bastisja e zyrave, dorëhiqet nga detyra Prokurori i Përgjithshëm i Ukrainës

Prokurori i Përgjithshëm i Ukrainës, Ruslan Kravchenko, ka dhënë dorëheqjen nga posti i tij, pas akuzave për korrupsion që çuan në bastisjen e zyrave të tij nga oficerët kundër korrupsionit gjatë fundjavës.

Sipas raportimeve të AFP, bastisjet u kryen në kuadër të një hetimi mbi një skemë të dyshuar që lidhet me qendrat e paligjshme të thirrjeve. Kravchenko ka mohuar çdo përfshirje në aktivitetet e dyshuara dhe ka deklaruar se vendimi për t’u larguar nga posti ishte politik.

Në deklaratën e tij, ai tha se nuk dëshironte që pozicioni i Prokurorit të Përgjithshëm të përdorej “si një instrument i konfrontimit politik”.

/rtsh.al/