Akuzat për llogaritë false, ish-shefi i sigurisë së Twitter mbështet Musk: Kompania i nënvlerësoi

Një ish-shef sigurie për Twitter ka deklaruar se kompania ka mashtruar përdoruesit dhe rregullatorët amerikanë lidhur me boshllëqet në sigurinë e saj. Sipas BBC, Peiter Zatko pohoi gjithashtu se Twitter nënvlerësoi numrin e llogarive false dhe spam në platformën e tij.

Akuzat e tij mund të ndikojnë në betejën ligjore midis Twitter dhe CEO-s së Tesla Elon Musk, i cili po përpiqet të anulojë marrëveshjen e tij prej 44 miliardë dollarësh (37 miliardë £) për të blerë kompaninë.

Ndërkohë vetë Twitter ka rrëzuar pretendimet e Zatko duke i konsideruar si të pasakta dhe jokonsistente. Kompania thotë se ai u shkarkua në janar për udhëheqje joefektive dhe performancë të dobët.

/rtsh.al/