Albiol shpreson të luajë kundër Barcës

Mbrojtësi i Real Madridit, Raul Albiol, ka deklaruar se pret të jetë i gatshëm që të jetë në fushë, të dielën kur zhvillohet derbi 'el Clasico', ndërmjet Barcelonës dhe Real Madridit, në Camp Nou.

Albiol ka lënduar ligamentin e gjurit të djathtë në ndeshjen kundër FC Zurichut, ndaj prezenca e tij në Camp Nou është vënë në dyshim.

"Mendoj se do të jem në Camp Nou. Madje as nuk mund ta mendoj se mund të jem jashtë njërës prej ndeshjeve më të mëdha të vitit".

"Edhe nëse kam problem, do të jap gjithçka nga vetja që të jem në fushë. Jam absolutisht i entuziazmuar", është cituar mbrojtësi nga AS.