Alibali: Nuk ka shanse që Serbia të sulmojë Kosovën
Analisti Neritan Alibali i ftuar në emisionin “3D” në RTSH në fokus të diskutimeve nga paneli në studio foli për sulmin e Serbisë ndaj Kosovës. Alibali tha gjithashtu se informacionet që ka Zelenski i ka fal shërbimeve sekrete amerikane dhe britanike.
“Nuk besoj që ndonjëri në panel mendon se Zelenski ka informacione më të sakta se NATO dhe SHBA. Janë shërbimet sekrete amerikane dhe britanike ato që e furnizojnë Zelenskin me informacione aq më tepër për synimet e Rusisë në Ballkan. Duhet të kemi edhe disa element të tjerë, fushatën elektorale në Serbi dhe qeveria e re e Malit të Zi e cila është një qeveri që është përfolur si pro serbe apo pro ruse. Nuk ka shance që Serbia të sulmoje Kosovën”, tha Alibali.
/rtsh.al/