Amerikanët do studiojnë në universitet edhe për Beyonce

Studentët amerikanë do të kenë mundësinë që tashmë në universitet të studiojnë edhe për Beyonce-n. Kjo është vendosur nga ana e universitetit Rutgers në Nju Xhersi, që do ti kushtojë një kurs të tërë këngëtares së njohur.

Në faqen zyrtare të fakultetit shpjegohet se pse ata mendojnë se ky kurs duhet të përfshihet në program: “Ajo është një grua që i kalon kufijtë. Ndërsa këngëtarët e tjerë vetëm publikojnë muzikë, ajo ka arritur të krijojë histori të madhe edhe rreth jetës së saj, muzikës dhe karrierës”. Në kurs do të studiohet edhe bashkëshorti i saj, Jay Z.