Ankorohet skafi me flamur anglez në Portin e Vlorës/ Dëmtohen dy kroatët, shkak kushtet e këqija atmosferike

Në portin e Vlorës ka mbërritur një mjet lundrues tip skaf me flamur anglez rreth orës 17:30. Në bord ndodheshin dy persona me kombësi kroate, të nisur nga porti i Korfuzit me destinacion portin e Dubrovnikut.

Gjatë lundrimit, për shkak të kushteve të këqija atmosferike, ata kanë pësuar dëmtime fizike.

Për këtë arsye, mjeti është kthyer në portin e Vlorës, ku përmes një agjencie detare përfaqësuese është kërkuar shërbim shëndetësor. Të dy personat janë dërguar në Spitalin Rajonal të Vlorës për trajtim mjekësor./abcnews.al