Apartamenti i Frank Sinatrës shitet për 7.7 milionë dollarë
Gjatë viteve të gjashtëdhjeta të shekullit të kaluar, shtëpia e Sinatrës ishte një vend i ndejave të egra, ku merrnin pjesë politikanë të shumtë, aktorë, këngëtarë dhe artistë të tjerë.
Ndejat që kanë qenë të njohura anembanë Hollywood-it, u vizituan nga piktori amerikan, Andy Warhol, presidenti i SHBA-së, John F. Kennedy dhe aktorja ikonë e botës së filmit, Marilyn Monroe.
“Apartamenti paksa u modernizua, por është ende ideale për një njeri që ka një personalitet si Franku dhe që i pëlqen të përgatit ndeja të mëdha për shoqërinë e madhe” tha Jason Haber, ndërmjetës i agjencisë së patundshmërive “Rubicon Property”, e cila është përgjegjëse për shitjen e apartamentit nën çati.
Vlen të theksohet se këngëtari i ndjerë, i cili kaloi disa vite të martesës së tij të stuhishme me Mia Farrow, ka tentuar personalisht ta shesë këtë vilë por nuk ka pasur sukses.