Argjentina në shtëpinë e Uruguajit, nuk fiton që nga 2009

Dita e 13-të e raundit kualifikues të Amerikës së Jugut për “Katar 2022” ofron një sfidë shumë magjepsëse, por edhe jashtëzakonisht të rëndësishme për renditjen. Mes të premtes dhe të shtunës në Campeón del Siglo në Montevideo, Uruguai dhe Argjentina do të përballen me njëra-tjetrën: një ndeshje thelbësore veçanërisht për vendasit, të cilët janë në betejë të plotë për të hyrë në katër vendet e para (të cilat lejojnë qasje të drejtpërdrejtë në Botëror, ndërsa me vendin e pestë kalojmë nga play-off).

Situata në grupin e Amerikës së Jugut aktualisht është kjo: Brazili 31 pikë, Argjentina 25 (por dy skuadrat kanë një ndeshje më pak se të tjerat, duke qenë se përplasja direkte e 5 shtatorit u ndërpre nga autoritetet shëndetësore), Ekuadori 17 , Kolumbia dhe Uruguai 16. Albiceleste duket shumë afër kualifikimit, kombëtarja e drejtuar nga Oscar Tabarez është në betejë të plotë dhe nuk ka fituar që nga 10 shtatori, 1-0 ndaj Ekuadorit: më pas barazimi ndaj Kolumbisë dhe humbjet ndaj Argjentinës dhe Brazilit.

Të përkufizosh ndeshjen mes Argjentinës dhe Uruguait si një klasike e madh është pothuajse një nënvlerësim. Dy skuadrat janë takuar 192 herë në historinë e tyre, duke përfshirë edhe miqësoret: për të dhënë një ide, ndeshjet mes Albiceleste dhe Brazilit ishin “vetëm” 106. Siç u përmend, dy kombëtaret u takuan disa javë më parë: 3-0 për Argjentinën më 11 tetor falë golave ​​të Messi, De Paul dhe Lautaro.

Në verë,  më 19 qershor,  ishte edhe sfida në fazën e grupeve të Kupës së Amerikës, e fituar më pas nga Albiceleste: 1-0  falë golit të Guido Rodriguez në fillim të lojës. Fitorja e fundit e Uruguait daton në 16 tetor 2013: 3-2 në ndeshjen në shtëpi për Kupën e Botës në Brazil. Argjentina nuk ka fituar në Uruguai që nga 15 tetori 2009: 1-0 falë golit të fundit të Bolattit. Është suksesi i vetëm në 11 ndeshjet e fundit të luajtura në fushën e rivalëve, përfshirë edhe miqësoret.