Arratisen nga Komisariati i Policisë Elbasan dy të paraburgosur për vjedhje, arrestohet njëri
TIRANË, 31 dhjetor /ATSH/ Dy të arrestuar për vjedhje janë arratisur nga ambientet e Komisariatit të Policisë Elbasan.
Policia njofton se “mesditën e sotme, shtetasit E. P. dhe N. L., pas masës së sigurisë në Gjykatën e Elbasanit, të ndaluar më datë 28.12.2024, për veprën penale “Vjedhja”, pasi i kanë zbritur nga automjeti shërbimet e Policisë me qëllim kryerjen e procedurave për transferim në IEVP, këta shtetas kanë mundur të largohen me vrap nga ambientet e DVP Elbasan”.
Policia bëri të ditur se si rezultat i veprimeve policore është bërë e mundur kapja e njërit prej tyre, shtetasit E. P., dhe vijon puna për kapjen e shtetasit tjetër, N. L.
Në lidhje me këtë rast, Drejtoria e Standardeve Profesionale në Drejtorinë e Përgjithshme të Policisë së Shtetit bën me dije se “ka nisur hetimin disiplinor ndaj punonjësve të Policisë dhe Agjencia e Mbikëqyrjes Policore ka nisur hetimin penal”.
/r.e/