Arratiset nga arresti shtëpiak ish-pjesëtari i UÇK-së, Blerim Ramadani

Ish-pjesëtari i Ushtrisë Çlirimtare të Kosovës, Blerim Ramadani, është arratisur nga arresti shtëpiak.

Ramadani u arrestua nga autoritetet maqedonase dhe ndodhej në arrest shtëpie në banesën e të afërmve të tyre.

Ministria e Punëve të Brendshme e Maqedonisë së Veriut po merr masa për gjetjen e vendndodhjes së Ramadanit.

Blerim Ramadani në bazë të fletëarrestit ndërkombëtar të lëshuar në Interpol nga Serbia, u arrestua më 17 korrik në vendkalimin kufitar të Jazhincës.

Ramadani akuzohet për krime të pretenduara lufte në zonën e Nerodimës më 1999.

/rtsh.al/