Arrestimet, reagojne ish-ushtaret e UCK-se
Bëhet fjalë për Shaqir Shaqirin, Rexhep Aliun dhe Fazli Hajdarin të cilët ishin klasifikuar nga prokuroria serbe si udhëheqësit e grupit të Gjilanit për krime ndaj serbëve, por për arsye se ndodheshin në Kosovë nuk janë arrestuar.
Duke u ndjerë tërësisht i pafajshëm dhe i pastër në luftën që ka bërë gjatë vitit 1999, ish-ushtari i UCK-së, aktualisht pjestar në Trupat Mbrojtëse të Kosovës, Fazli Hajdari, shpreh shqetësimin e tij për aksionin e dhunshëm të ndërmarrë nga policia serbe në rajonin e Preshevës.
"Qellimi i Serbise eshte i qarte. Ushtron dhune per te shperngulur njerezit. Te te arrestuarit ka patur lendime ndersa jane ngritur akuza te cuditshme dhe te pabaza. Nuk kam njohuri per krimet e luftes, po di te them se Serbia po sajon akuza ndaj ushtareve te UCK-se si kriminele", u shpreh Hajdari, ish-ushtari i UCK-se.
Duke vepruar si komandant i UCK-së në zonën e Karadakut atë kohë, Ahmet Isufi aktualisht deputet në Kuvendin e Kosovës, përgënjeshtroi aktakuzën e prokurorisë serbe. Isufi kujtoi rastet kur serbët për të alarmuar situatën vetshpalleshin të vdekur, ndërsa gjendeshin të gjallë nga vete ushtarët e Ushtrisë Clirimtare të Kosovës.
"Konsideroj se gjate luftes qe kemi bere ne Kosove e kemi orientuar ndaj policise dhe ushtrise serbe dhe atij qe ka ushtruar genocid dhe dhune. Akuzat qe behen jane te paverteta sepse nuk eshte prekur asnje civil sepse UCK-se nuk ka bere lufte ndaj popullates, po ndaj policise dhe ushtrise serbe", u shpreh Isufi.
Me urdhër të Prokurorisë për Krime Lufte, policia e Serbisë ka arrestuar 10 pjesëtarë të ish-Ushtrisë Clirimtare të Kosovës me dyshimet se kanë kryer krime në tre lokacione të komunës së Gjilanit.
Merret vesh se mënyra e arrestimit të tyre ka ndjellë frikë te banorët e luginës së Preshevës, për më tepër ka penguar shumë nxënës të mos shkojnë në shkollë.
AC_FL_RunContent( 'codebase','http://download.macromedia.com/pub/shockwave/cabs/flash/swflash.cab#version=9,0,28,0','width','580','height','99','src','flash/banner','quality','high','pluginspage','http://www.adobe.com/shockwave/download/download.cgi?P1_Prod_Version=ShockwaveFlash','movie','flash/banner' ); //end AC code