Arrestohet Troksi i makines me eksploziv te ministrit Olldashi
TIRAN- Drejtoria e Policise ne kryeqytet vendosi zbatimin e urdher-ndalimit te leshuar nga grupi hetimor i prokurorise se Tiranes duke arrestuar shtetasin Agron Troksi qe diten e demonstrates tentoi te futet me makinen e tij ne ambientet e kryeministrise. Lajmi konfirmohet nga burimet zyrtare te Policise dhe institucionit te akuzes te cilet identifikimin e shtetasit Troksi e kane kryer me ane te targave te makines te cilat duken qarte ne pamjet filmike te transmetuara nga televizionet.
Sipas ketyre burimeve sqarohet se policia ka filluar zbatimin e urdhrit per personat qe jane identifikuar si shkaterrues te prones publike a private si dhe ndaj atyre qe kane goditur efektivet e policise ne demonstraten e 21 janarit ndersa urdhrat per gjashte drejtuesit e Gardes kane mbetur pezull. Lajmin per arrestimin e Troksit drejtuesit e policise tentuan pasditen e djeshme ta trumbetojne por prokuroret e ceshtjes konfirmuan se identifikimi i tij eshte kryer nga prokuroria.
Pas sekuestrimit te pamjeve filmike te regjistruar nga televizionet e ndryshme i jemi drejtuar Drejtorise se Sherbimit te Transportit Rrugore per identifikimin e pronesise se makines tip Benz 240 me targa TR 8118 B ngjyre jeshile. Nga pergjigjja e marr kemi mesuar se makina i perket shtetasit Agron Troksi. Me identifikimin e pronarit dhe krahasimit te fotos se tij me ate te regjistruar ne momentin qe del nga makina ku ishte lenduar prokuroria ka leshuar urdher-ndalimin ndaj tij duke i kerkuar efektiveve te
Drejtorise se Policise ne kryeqytet ta zbatojne me arrestimin e tij-thuhet nga burimet e prokurorise. Efektivet e policise ne oret e para te mengjesit te djeshem kryen arrestimin e Troksit ne banesen e tij qe ndodhet ne rrugen Sadik Petrela ne Tirane.
Ne momentin e arrestimit policia nuk ka hasur rezistence nga i dyshuari Agron Troksi i cili eshte treguar i gatshem te shoqerohej ne polici-thane burimet nga policia.
Pas arrestimit i dyshuari Troksi eshte marre ne pyetje nga prokuroret e ceshtjes per ngjarjen e 21 janarit ku me makinen e tij ka tentuar te hyje ne kryeministri. Sipas deshmise se dhene Troksi ka pretenduar se ishte perfshire nga turma dhe i irrituar nga te shtenat e policise jam nisur me makine drejt tyre.
Po kam qene une shoferi i makines dhe jam shtyre nga irritimi drejt kryeministrise. Nuk kisha qellim te lendoja njeri por thjesht nga zemerimi e kam bere ate veprim i nxitur edhe nga turma. Makinen e kam pas te parkuar ne afersi te bulevardit Deshmoret e Kombit ku po tentoja te largohesha me makinen per nga rruga e Elbasanit. Aty disa shok me kerkuan te shkoja per te marr nje te plagosur me arme. Kur erdha afer turma me nxiti ti drejtohem portes se kryeministrise ku u nisa dhe u ndala ne barrikaden e hekurit. Aty jam lenduar pasi kam qelluar me gjoks dhe koke timonin-ka thene Troksi para prokurorit.
Olldashi pasditen e 21 janarit Makina ishte mbushur me eksploziv
Deshmia e Troksit dhe kontrolli qe hetuesit i kane bere makines qe ai ka perdorur kunder hyrjes se kryeministrise nxjerr zbuluar nje nga deklaratat me te bujshme te pasdites se 21 janarit. Ate te ministrit Sokol Olldashi. Ky zyrtar deklaroi pas masakres se sipas te dhenave te tij kjo makine e ngarkuar me eksploziv i eshte drejtuar kryeministrise. Nese do shperthente do ishte bere baterdia tha Olldashi. Ai tha se per fat nuk ka shperthyer kjo makine. Olldashi tha se jane paguar persona te inkriminuar per te vrare protestuesit. Ne te njejten linje ka vijuar Imami me te dhenat e tij sipas te cilave protestuesit e ndjere ishin vrare nga afer nga persona te paguar nga Rama etj deklarata keto te hedhura poshte nga hetimet.
Prokuroria flete-thirrje edhe Bares dhe Xhafes
Prokuroria e kryeqytetit pervec dergeses se flete-thirrjes ne adrese te dy deputeteve te Partise Socialiste me te cilet eshte kontaktuar z.Paulin Sterkaj dhe z.Tom Doshi grupi hetimor ka bere gati flete-thirrjet edhe per dy deputet e tjere z.Besnik Bare dhe z.Fatmir Xhafa.
Sipas prokurorise edhe me keta dy deputete do te merret kontakt per ti ftuar me deshiren e tyre te paraqiten ne prokurori per te dhene shpjegime per demonstraten e 21 janarit ku nga filmimet duket qarte qe dy deputetet debatojne me efektivet e policise. Pervec debatit ne pamje duket qarte qe deputeti i PS-se z.Fatmir Xhafa qellohet nga kembet me shkop gome nga efektivet e forcave te policise goditje per te cilen pritet qe deputeti te bej kallezim penal. Sipas prokurorise keta te fundit i kane derguar flet-thirrje edhe kryetarit te Partise Socialiste per Tiranen z.Pjerin Ndreu i cili pritet te paraqitet ne prokurori per te dhene shpjegime per menyren e organizimit te kesaj demonstrate.