Arrestohet i dyshuari për vrasjen e Paulin Markut

UPDATE-  Policia e Tiranës ka arrestuar të dyshuarin për vrasjen e 31- vjeçarit, Paulin Marku një natë më parë tek vendi i quajtur Kthesa e Kamzës në kryeqytet.

Pas një aksioni të policisë së kryeqytetit është arrestuar, shtetasi Astrit Vladi, 30 vjeç. Ndërsa hetimet e policisë vazhdojnë për zbardhjen e plotë të vrasjes, pista kryesore sipas efektivave blu vazhdon të mbetet hakmarrja.

Paulin Marku nga Puka u ekzekutua  rreth orës 20:00 të së  martës në Tiranë. Ai ishte duke udhëtuar me një motoçikletë, ndërsa është qëlluar për vdekje nga një makinë në ecje e sipër.