Arrestohet i riu shqiptar në Itali

Një shqiptar ka rënë në prangat e policisë italiane. Ai dyshohet se është i përfshirë në përgatitjen dhe trafikimin e drogës në zonën e Imperias.

Mediat italiane shkruajnë se i arrestuari është i riu me inicialet I.A.

Sipas hetimeve, ai kishte organizuar një rrjet trafikimi droge, përfshirë kokainë, krak (crack) dhe marihuanë, me qëllim furnizimin e të rinjve të droguar në kryeqytet dhe qytetet fqinje. Gjatë kontrollit në shtëpinë e tij iu gjet një sasi e konsiderueshme droge.

Policia sekuestroi 54,51 gramë kokainë, 62,9 gramë krak dhe 15,5 gramë marihuanë.

Gjatë kontrollit të banesës u zbulua edhe një një laborator i vërtetë i përdorur për përgatitjen, konservimin, peshimin dhe paketimin e lëndëve narkotike

Policia sekuestroi gjithashtu edhe një sasi të madhe parash. Pas arrestimit, shqiptari është izoluar në paraburgim, në pritje të procesit hetimor dhe gjyqësor.