Arrihet armëpushimi Izrael-Liban, Trump: Kjo do të jetë lufta e 10-të që zgjidh

Presidenti i SHBA, Donald Trump, përmes një postimi në “Truth” njofton një armëpushim 10-ditor mes Izraelit dhe Libanit.

Sipas kreut të Shtëpisë së Badhë, udhëheqësit e dy vendeve kanë rënë për të arritur paqen mes tyre, ndërsa janë takuar ditën e martë në Washington, përcjell Faxweb.al.

“Sapo pata një bisedë të shkëlqyer me Presidentin e Libanit, Joseph Aoun, shumë të respektuar, dhe Kryeministrin e Izraelit, Bibi Netanyahu. Këta dy udhëheqës kanë rënë dakord për të arritur PAQEN midis vendeve të tyre. Ata do të fillojnë zyrtarisht një armëpushim 10-ditor në orën 5 pasdite sipas Orës Lindore.

Të martën, të dy vendet u takuan për herë të parë në 34 vjet këtu në Uashington, D.C., me Sekretarin tonë të Madh të Shtetit, Marco Rubio.

I kam udhëzuar Zëvendëspresidentin JD Vance dhe Sekretarin e Shtetit Rubio, së bashku me Kryetarin e Shtabit të Përbashkët, Dan Razin’ Caine, të punojnë me Izraelin dhe Libanin për të arritur një PAQE të Qëndrueshme.

Ka qenë nder për mua të zgjidhja 9 luftëra në të gjithë botën, dhe kjo do të jetë e 10-ta, kështu që le ta bëjmë! Presidenti DONALD J. TRUMP”, shkruan Trump në “Truth”.