Arsenal dhe Manchester fitojnë në Kupën e Ligës

Në ndeshjet e zhvilluara të martën në kuadër të Kupës së Ligës, Arsenali dhe Manchesteri kanë shënuar fitore kundër Wiganit dhe Queens Park, respektivisht. Topçinjtë shfaqën një lojë të mirë duke fituar me rezultat 3-0 me golat e Simpson (43' dhe 67') dhe Vela (70'). Manchesteri ka fituar me vështirësi kundër Queens Park me golin e vetëm të shënuar nga Tevez, nga pika e bardhë. Në takimet tjera, Stoke City e ka mposhtur Rotherhamin me rezultat 2-0, Derby County ka fituar ndaj Leeds United, 2-1, ndërsa Watfordi ka fituar në udhëtim kundër Swansea.