Auditi: 37 milione leke te shperdoruara

Shkelja dhe mosrespektimi i disiplines financiare nga njesite e pushtetit vendor, ne Prefekturen e Fierit kane shkaktuar nje dem te pergjithshem ekonomik ne vleren 37.449.000 leke. Statistikat behen te ditura nga drejtori i Auditit te Brendshem prane kesaj Prefekture, Dervish Baraj, i cituar dje nga Atsh. Sipas tij, 80% e shkeljeve te konstatuara, i perkasin periudhes kohore gjate viteve 2004 -2006 dhe vetem 20 % e rasteve vitit 2007. Inspektoret e Auditit kane ushtruar gjithsej 46 kontrolle dhe kane dhene nje sere rekomandimesh per personat pergjegjes te shkeljeve financiare. Rekomandimet parashikojne masa qe variojne nga paralajmerimet, deri tek largimet nga puna, si dhe padi gjyqesore. Largim nga puna eshte kerkuar per 18 persona, ndersa procedim penal per 12 persona. Shkeljet financiare me dem me te madh ekonomik, jane konstatuar si rezultat i evazionit fiskal 12.613.000 leke, prokurimet publike 9.049.000 leke si dhe pagat e shperblimet, ne vleren 7.872.000 leke. Nga kontrollet e Auditit rezulton se Keshilli i Qarkut Fier, Bashkia Ballsh dhe Komuna Cakran kane numrin me te larte te shkeljeve, ndaj dhe eshte paraqitur padi gjyqesore per ish-drejtuesit e tyre gjate viteve 2004-2006.