BE nis një fond prej 1.7 miliardë eurosh për të ndihmuar organizatat joqeveritare jashtë bllokut

Bashkimi Evropian (BE) ka nisur një program prej 1.5 miliardë eurosh për të mbështetur organizatat joqeveritare jashtë bllokut evropian.

“Komisioni (Evropian) sot ka miratuar programin e Organizatave të Shoqërisë Civile të Evropës Globale me vlerë prej 1.5 miliardë eurosh për periudhën 2021-2027”, njoftoi organi ekzekutiv i BE-së.

Skema do të mbështesë organizatat e shoqërisë civile në vendet jo anëtare të BE-së, në mënyrë të pavarur nga pëlqimi i qeverive të vendeve partnere, në mënyrë që të promovojë sundimin e ligjit, demokracinë dhe stabilitetin në mbarë botën.

Financimi do të fokusohet më së shumti në shoqatat që janë aktive në fushën e rinisë, në mbrojtjen e të drejtave të grave, punëtorëve dhe konsumatorëve, si dhe në organizatat rurale, mjedisore, LGBT dhe minoritare.

“Organizatat e shoqërisë civile luajnë një rol thelbësor në mbrojtjen e të drejtave të njeriut, ekspozimin e shkeljeve të tyre dhe duke kërkuar veprim nga qeveritë për të mbrojtur qytetarët e tyre”, tha Josep Borrell, shef i politikës së jashtme të BE-së, duke shpjeguar se blloku evropian synon të mbështesë “punën e guximshme të përditshme” në këto grupe të cilat shpesh kërcënohen.

Komisioni Evropian në muajt e ardhshëm do të hapë thirrje për propozime për përdorimin e fondeve.