BERZH, 125 milione euro per bypass-et e Fierit dhe Vlores Luljeta Ndoka

Ministri i Financave, Ridvan Bode dhe drejtori menaxherial ne zyren e zv. presidentit te bankingut te BERZH-it, Jean-Marc Peterschmitt, nenshkruan dje marreveshjen prej 125 milione eurosh per ndertimin e Bypass-it te Fierit dhe Vlores. Ministri Bode beri te ditur se te dy kredite per ndertimin e Bypass-eve kapin vleren e 125 milione eurove dhe do te shlyhen per nje afat kohor prej 15 vjetesh. Sipas ministrit Bode, kredite nuk rendojne koston e borxhit te vendit. "Te dy kredite kapin nje vlere prej 125 milione euro, nga te cilat 18 milione jane ne grant. Jane kredi zhvillimi me nje afat 15-vjecar, qe i japin mundesi vendit qe perfitimi i ketyre veprave ristrukturore ne ekonomi, te jete maksimal dhe me kosto sa me te ulet", deklaroi Bode. Bypass-i i Fierit do te jete nje bypass rrugor i tipit autostrade interurbane, midis qytetit te Fierit dhe Levanit, me gjatesi afersisht 22 km. Kosto e parashikuar per ndertimin e ketij bypass-i eshte ne vleren 60 milione euro dhe do te financohet nga kredia e BERZH-it, nepermjet transhit prej 35 milione euro dhe kredia e BEI-t nepermjet transhit prej 35 milione euro. Bypass-i i Vlores do te lidhe autostraden Levan-Vlore me rrugen nacionale bregdetare Vlore-Sarande. Kosto totale, e parashikuar per ndertimin e ketij aksi rrugor, eshte afersisht 49 milione euro. Punimet pritet te fillojne ne vitin 2013 dhe te perfundojne ne vitin 2015. Po dje, zv. presidenti i bankingut te BERZH-it, Jean-Marc Peterschmitt, si dhe Claudio Viezzoli, drejtor per Ballkanin Perendimor dhe Evropen Juglindore, u priten nga kryeministri i vendit, Sali Berisha. Gjate ketij takimi, perfaqesuesit e BERZH-it falenderuan kryeministrin per pritjen, si dhe per bashkepunimin e vendosur mes qeverise shqiptare dhe BERZH-it, duke vleresuar projektet qe ata financojne ne fusha si infrastruktura, energjia, ne asistence teknike, etj. Peterschmitt falenderoi kryeministrin per mbeshtetjen qe qeveria shqiptare dhe ai, personalisht, kane dhene ne organizimin nga ana e BERZH-it te Forumit te Energjise ne Tirane. Ai u ndal ne financimin e 9 projekteve, me vlere 95 milione euro, ne fushen e infrastruktures dhe energjise. Njekohesisht, ai theksoi se BERZH po punon per nje pakete te re investimesh per vitin 2012, me nje vlere prej 80 milione euro, ne fushen e energjise, te infrastruktures nacionale dhe ate rurale, ne sigurine e digave, si dhe mbeshtetjen per projekte te Bashkise se Tiranes. Berisha i falenderoi perfaqesuesit e larte te BERZH-it, si dhe perfaqesuesin ekzekutiv te ketij institucioni ne Tirane, Fabio Serri, per mbeshtetjen financiare te projekteve ne infrastrukture e energji, si projektin e bypass-it Fier-Vlore, projektet infrastrukturore per zonat rurale, etj. Ai vleresoi kontributin e vecante te BERZH-it ne sektorin e energjise, ne kete sektor kyc per ekonomine e vendit. Kryeministri shprehu nevojen dhe besimin per vazhdimin e financimit te projekteve, nga ana e Bankes Evropiane per Rindertim dhe Zhvillim, edhe ne te ardhmen, vecanerisht per mbeshtetjen e Bashkise se Tiranes ne projektet e saj per terminalin e autobuseve, per terminalin e trenit, si dhe per projekte te tjera.