BM – Starmer: Laburistët po punojnë për të ndërtuar lidhje më të ngushta me BE-në

LONDËR, 8 korrik /ATSH/ – Laburistët tashmë po punojnë për të ndërtuar lidhje më të ngushta me Bashkimin Evropian, theksoi Sir Keir Starmer ndërsa vazhdon turneun e tij në vend, sipas skynewspolitics.

Kryeministri i ri vizitoi Skocinë sot ku u takua me liderin laburist skocez, Anassar Warmsp dhe Ministrin e Parë, John Swinney.

Gjatë vizitës së tij në Skoci, Starmer sulmoi mënyrën se si Boris Johnson negocioi marrëveshjen fillestare të Brexit me Bashkimin Evropian, duke e përshkruar atë si “të gabuar”.

Kryeministri i ri ka thënë se dëshiron të ketë një marrëdhënie më të ngushtë me Brukselin.

“Ne synojmë të përmirësojmë marrëdhëniet tona me BE-në dhe kjo do të thotë lidhje më të ngushta tregtare me BE-në. Kjo do të thotë lidhje më të ngushta në lidhje me kërkimin dhe zhvillimin dhe lidhje më të ngushta në lidhje me mbrojtjen dhe sigurinë. Natyrisht që ka shumë diskutime për të bërë dhe negociata për të bër뒒, shtoi ai.

“Unë mendoj se mund të arrijmë një marrëveshje shumë më të mirë se ajo e dështuar që Boris Johnson bëri në Mbretërinë e Bashkuar”, shtoi ai./   /os/