Bahrein nate protestash ne kryeqytet
Përleshje janë regjistruar gjatë natës në kryeqytetin e Bahreinit, Manama, ku forcat e sigurisë kanë qëlluar gaz lotësjellës dhe granata trullosëse ndaj protestuesve, që ishin mbledhur për 1-vjetorin e nisjes së protestave pro-demokratike në mbretërinë e Gjirit.
Mijëra persona pritet të marshojnë në sheshin Pearl Roundabout, që ishte dhe vatra e protestave të vitit të kaluar, me liderët e opozitës që kanë bërë thirrje për marrjen nën kontroll të tij.
Të paktën 60 persona janë vrarë që prej nisjes së protestave shkurtin e vitit të kaluar. Policia anti-turmë dhe forca të tjera sigurie janë vendosur në Bahrein.
Një banor i fshatit shiit të Sitrës, në rrethinat e Manamasë, tha për BBC se forcat e sigurisë kishin qëlluar gaz lotësjellës dhe granata trullosëse gjatë natës.
Mbrëmjen e së hënës protestuesit avancuan rreth 2 kilometra drejt Pearl Roundabout, para se të shtyheshin mbrapsht nga forcat e policisë, raporton agjencia e lajmeve “Reuters”.
“Ne nuk do të ndalemi. Protesta jonë zgjat prej një viti dhe do të vazhdojë për një vit më shumë”, ka deklaruar imami Nader Abdul, që u strehua në një shtëpi për t’i shpëtuar bombave gazlotësjellëse.
Shumica e protestuesve janë nga zonat me shumicë shiite të vendit, të cilat janë ankuar vazhdimisht për diskriminim nga familja mbretërore sunite, Al Khalifa.
Mijëra persona pritet të marshojnë në sheshin Pearl Roundabout, që ishte dhe vatra e protestave të vitit të kaluar, me liderët e opozitës që kanë bërë thirrje për marrjen nën kontroll të tij.
Të paktën 60 persona janë vrarë që prej nisjes së protestave shkurtin e vitit të kaluar. Policia anti-turmë dhe forca të tjera sigurie janë vendosur në Bahrein.
Një banor i fshatit shiit të Sitrës, në rrethinat e Manamasë, tha për BBC se forcat e sigurisë kishin qëlluar gaz lotësjellës dhe granata trullosëse gjatë natës.
Mbrëmjen e së hënës protestuesit avancuan rreth 2 kilometra drejt Pearl Roundabout, para se të shtyheshin mbrapsht nga forcat e policisë, raporton agjencia e lajmeve “Reuters”.
“Ne nuk do të ndalemi. Protesta jonë zgjat prej një viti dhe do të vazhdojë për një vit më shumë”, ka deklaruar imami Nader Abdul, që u strehua në një shtëpi për t’i shpëtuar bombave gazlotësjellëse.
Shumica e protestuesve janë nga zonat me shumicë shiite të vendit, të cilat janë ankuar vazhdimisht për diskriminim nga familja mbretërore sunite, Al Khalifa.