Bakojanis thekson rëndësinë e monitorimit në zonat e trazuara
/* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0in 5.4pt 0in 5.4pt; mso-para-margin:0in; mso-para-margin-bottom:.0001pt; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin; mso-bidi-font-family:"Times New Roman"; mso-bidi-theme-font:minor-bidi;}
Ministrja e Jashtme e Greqisë, Dora Bakojanis, theksoi rëndësinë e forcimit të monitorimit ndërkombëtar në zonat e trazuara të botës, veçanërisht në ish republikën sovjetike të Gjeorgjisë.
Zonja Bakojanis, vendi i të cilës mban aktualisht presidencën e radhës të Organizatës për Sigurimin dhe Bashkëpunimin në Evropë, i bëri këto komente sot në Këshillin e Sigurimit të Kombeve të Bashkuara.
Ajo tha se OSBE-ja duhet të bëjë më shumë në Gjeorgji dhe premtoi se vendi i saj do të luajë rolin e tij udhëheqës në këto përpjekje.
OSBE-ja filloi ndërprerjen e operacioneve në Gjeorgji në muajin janar, pasi Rusia refuzoi zgjerimin e mandatit të grupit, që skadoi në dhjetor.
Ndërkaq, ambasadori i Rusisë në Kombet e Bashkuara, Vitali Çurkin, tha se vendi i tij është i hapur për bashkëpunim me OSBE-në.Megjithatë,zoti Çurkin thotë se organizata nuk i përmbushi rolin apo përgjegjësitë e saj gjatë konfliktit të muajit gusht mes Rusisë dhe Gjeorgjisë. //iç//