Banesat, ulet kosto e ndertimit

Keshilli i Ministrave vazhdon ende te ndryshoje koston qe do te perdoret, ne lidhje me ndertimin e banesave sociale. Diten e djeshme, qeveria mori vendimin te ule cmimin per banesat sociale qe do te ndertohen ne bashkine e Burrelit. Keshtu nga 35.539 leke/m2 , tashme nje m2 do te jete 33.539 leke. Nga ana tjeter qeveria ka vendosur te barazoje edhe cmimet per banesat sociale, duke vendosur kosto te njejte per banesat qe do te ndertohen ne Vlore dhe ato ne zonen e Vores, ne afersi te kryeqytetit. Ne lidhje me keto vendime ngarkohet Ministria e Puneve Publike, Transportit dhe Telekomunikacionit dhe Enti Kombetar i Banesave, per zbatimin e ketij vendimi te marre diten e djeshme. Qeveria pak muaj me pare ka vendosur edhe cmimet, me te cilat do te ndertohen banesat sociale ne te gjithe vendin. Nga ky proces kane perparesi individet dhe familjet, te cilat vertetojne se nuk kane perfituar nga ligji i vitit 1992, "Per privatizimin e banesave shteterore". Gjithashtu, perfitojne edhe familjet ku, kryefamiljari eshte grua e divorcuar ose e ve, ato njeprinderore qe kane ne ngarkim femije, te moshuar qe kane mbushur moshen e pensionit dhe qe nuk perzgjidhen per t'u strehuar ne institucionet publike te perkujdesit shoqeror. Mes te perzgjedhurve, duhet te jene edhe individet me aftesi te kufizuara, te cilet gezojne statusin e te verberit te grupit te pare, te invalidit paraplegjik dhe tetraplegjik, te invalidit te punes dhe te invalidit te Luftes Nacionalclirimtare. Perjashtim nuk bejne familjet me shume femije, ciftet e reja me moshe te pergjithshme, deri ne 55 vjec, familjet qe kane ndryshuar vendbanim, per shkaqe punesimi, si dhe individet me statusin e jetimit, qe nga casti i daljes nga jetimoret, ose nga qendrat e perkujdesit, e deri ne moshen 30 vjec. Sipas udhezimit te fundit te nxjerre nga qeveria ne lidhje me banesat sociale, vlera e nje apartamenti do te llogaritet si nje shumatore e te gjitha shpenzimeve qe jane kryer para nje apartamenti per ndertimin, infrastrukturen, projektin, mbikeqyrjen, kolaudimin, vleren e truallit, marrjen e lejes se ndertimit, shfrytezimit, regjistrimit ne zyren e regjistrimit te pasurive te paluajtshme, si edhe cdo shpenzim tjeter, i lidhur me objektin, per te cilin perdoren fondet e Buxhetit te Shtetit. Sipas udhezimit, organet e qeverisjes vendore, pas marrjes se njoftimit dhe pas caktimit te familjeve qe perfitojne strehim, depozitojne emrat prane Entit Kombetar te Banesave, qe ne baze te numrit te apartamenteve qe ka ne dizpozion, lidh kontraten me familjet sipas radhes se percaktuar nga Keshilli Bashkiak. Vlera e apartamenteve te ndertuara apo te blera llogaritet, sipas ketij udhezimi, nga EKB-ja dhe shlyhet nga familja me keste per 25 vjet, me norme interesi prej 2 % ne vit. Per mbulimin e shpenzimeve operative, EKB-ja aplikon nje shume prej 4% te vleres se apartamentit, e cila do te paguhet nga bleresi dhe do te arketohet menjehere ne momentin e nenshkrimit te kontrates.

Fatjona Mejdini