Barcelona, takimi mes Laportës dhe Raiolës për Haland
Nga pikëpamja financiare, sigurisht që situata nuk është e jashtëzakonshme në Barcelonë, por kjo nuk do ta pengojë klubin katalanas të bëjë një tentativë për Erling Haaland. Kështu të paktën është raportuar nga Mundo Deportivo, e cila zbulon për norvegjezin një takim të ndodhurtsë hënën në Torino mes presidentit të kompanisë Blaugrana, Joan Laporta dhe agjentit të lojtarit Mino Raiola.
21-vjeçari do të ishte përgjigja më e rëndësishme për ardhjen e Kylian Mbappé te Real Madrid dhe kjo është arsyeja pse drejtuesit po përpiqen të rrisin të ardhurat në të gjitha nivelet, qoftë me sponsorë të rinj, alternativa ndaj marrëveshjes mes La Liga dhe Cvc dhe nga largimet e mundshme.
Ansu Fati, Pedri, Gavi dhe Nico Gonzalez janë të vetmit lojtarë të patransferueshëm në skuadër dhe Laporta së bashku me Raiolën po mendojnë për disa operacione, duke përfshirë dhe Noussair Mazraoui, 24-vjeçari anësor i djathtë, që i skadon kontratën e tij me Ajax. (4 gola dhe tre asistime në 21 ndeshje këtë sezon).
Trajneri Xavi, i cili foli për blerjen e mundshme, mendoi edhe hapjen e një dritareje për operacionin e Haaland: “Tani janë të gjitha hipoteza. Barcelona duhet të njohë të gjitha mundësitë që ofron merkato. Është e vërtetë që duhen përforcime, por do të shohim se çfarë do të ndodhë”.