Bashkia, bonus qiraje per te pastrehet e Unazes se Madhe

Banoret e Tiranes do te marrin shperblimin per prishjen e objekteve te biznesit apo shtepive, qe do te preken nga zbatimi i projektit per Unazen e Madhe. Nga kjo nisme nuk bejne perjashtim as ata qytetare qe nuk posedojne dokumentet e legalizimit per pronen e tyre. Por menyrat se si do te veproje Bashkia per t'iu ardhur ne ndihme qytetareve nuk jane ende te qarta. Deri tani dihet qe per te gjithe qytetaret qe kane dokumente te rregullta do te kryhen procedurat e shpronesimit, ku nje pjese e tyre do te trajtohen me bonus strehimi, ndersa alternativat e tjera nuk jane bere ende publike. Burime nga Njesia Bashkiake Nr. 5, se ciles i perket pjesa kryesore e shtrirjes se projektit, bejne te ditur se jane rreth 200 pronare qe kane dokumente te rregullta por qe do t'iu prishen shtepite. Ndersa, sipas disa te dhenave te peraferta, do te jene rreth 3000 objekte qe do te shkaterrohen per t'i hapur rruge projektit te madh te Bashkise se Tiranes. Duket se Bashkia tashme ka detajuar edhe menyren e procedimit per te gjithe qytetaret qe do t'iu prishen objektet. Banoret e kesaj zone jane konfuze per menyren e zhvillimit te procesit te shpronesimit apo menyrat e tjera per kompensimin e prones. Kjo vjen pasi ata nuk jane te qarte se si do te procedohet dhe nuk njohin afatet e marrjes se ndihmes per prishjen e ndertesave. Megjithese procesi per ndertimin e objektit i takon Bashkise se Tiranes, Bankes Boterore etj, qytetaret drejtohen ne Njesine Bashkiake per te marre me teper informacion nese do te preken nga prishja e ndertimeve.