Bathorja pa ujë, banorët protestojnë duke bllokuar rrugën kryesore
Tiranë- Mungesa e ujit në zonën e Bathores në kryeqytet ka detyruar banorët që jetojnë aty të protestojnë duke bllokuar rrugën kryesore.
Mbi 300 persona i kanë bërë thirrje qeverisë të rikthejë ujin e pijshëm në familjet e tyre. Ata kanë thënë se fajtor është kryetari i Bashkisë Kamëz, Xhelal Mziu, i cili nuk ka arkëtuar paratë e paguar prej tyre.
Në rrugë është bllokuar qarkullimi dhe është dashur ndërhyrja e policisë.
Pas negociatave dhe premtimit për rikthimin e ujit ata janë larguar. Por nuk kanë munguar edhe paralajmërimet për përshkallëzimin e protestave nëse uji nuk rikthehet.
/IDEA/