Bayern, stërvitja e lodhshme e De Ligt në ditën e pushimit

Rrugët e Matthijs de Ligt dhe Juventusit nuk u ndanë në mënyrë krejtësisht të qetë. Transferimi te Bayern për 77 milionë euro, një nga operacionet më të rëndësishme të merkatos së 2022-ës, pati një gjurmë polemikash sidomos te Juventus pas deklaratave të para të holandezit si lojtar bavarez. Ky i fundit, në fakt, e pranoi me “shumë entuziazëm” transferimin në Gjermani.

Nga ana tjetër, De Ligt luajti vetëm 13 minuta në ndeshjen e parë zyrtare të sezonit me Leipzig në Superkupën e Gjermanisë.Një zgjedhje e lidhur me atë që ai nuk konsiderohet ende plotësisht gati. De Ligt duhet të punojë shumë dhe prova erdhi menjëherë pas suksesit të së dielës. Si ish-lojtari i Juventusit, ashtu edhe blerja tjetër e re Mathys Tel, i marrë nga Rennes për rreth 30 milionë euro, kanë bërë një seancë speciale stërvitore, ndërsa gjithë pjesa tjetër e skuadrës e ka patur të hënën pushim.

Rezultati? Pas 50 minutash stërvitje, si De Ligt ashtu edhe Tel janë dukur të shkatërruar. Gjuha e trupit e dy lojtarëve nuk kanë lënë hapësirë për dyshime. Holandezi, në fakt, është shtrirë në tokë i rraskapitur. Klubi gjerman po e lodh de Ligt nga pikëpamja fizike për ta bërë atë edhe më të fortë dhe më të strukturuar në mënyrë që holandezi të jetë gati për çdo sfidë.