Belgjike thellohet kriza politike

Në Belgjikë është thelluar më tej kriza politike, pas njoftimit të kryeministrit të përkohshëm, Yves Leterme, për të dhënë dorëheqjen.

Dorëheqja e Leterme vjen pasi ai ka pranuar ofertën për t’u bërë nënsekretar i përgjithshëm i Organizatës për Siguri dhe Bashkëpunim në Evropë.

Kjo lëvizje e papritur ka bërë që mbreti Albert II të ndërpresë vizitën e tij në Nisë të Francës dhe të kthehet në Bruksel, për të ndjekur zhvillimet politike.

Lideri i socialistëve në Belgjikë, Elio di Rupo ka denoncuar “bllokimin e thellë” të negociatave politike, ndërkohë që është ngarkuar me detyrën e formimit të qeverisë së re.

Sot është dita e 458 që Belgjika është pa një qeveri me kompetenca të plota, një rekord ky në kontinentin e vjetër, por edhe në botë.

Ishte Angel Guerria, sekretari i përgjithshëm i Organizatës për Bashkëpunimin dhe Zhvillimin Ekonomik, që i propozoi Leterme detyrën e re.

Ky i fundit ka deklaruar se ka ndërmend të marrë detyrën e re në përputhje me kohën që i duhet për të cuar në fund përgjegjësitë si kryeministër.

Ndërkohë, burime nga OSBE bëjnë të ditur se kryeministri në ikje i Belgjikës duhet të jetë i gatshëm për t’u ulur në postin e ri brenda fundit të vitit.

if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));


Lajmet kryesore

Përleshje me armë në mes të Tiranës
Policia përplaset me grabitësit, 3 të plagosur, 2 në pranga
Greqia, “pjesë integrale e eurozonës”
Berisha e Rama shkëmbejnë batuta
Liderët e NATO-s, sot në Libi
Arvizu: Zbardhni vrasjen e gjyqtarit