Beograd, protesta pro ruse

Qytetarë të shumtë serbë dolën për të protestuar në mbështetje të Rusisë të premten në mbrëmje, pasi presidenti serb Aleksandër Vuçiç nuk e përkrahu pushtimin rus ndaj Ukrainës.

Protestuesit u mblodhën në afërsi të Presidencës së Serbisë, duke e mbyllur rrugën për qarkullim. Ata hodhën mesazhe dhe kënduan këngë në mbështetjeje për Rusinë, e cila javën e kaluar nisi pushtimin e Ukrainës, shkruan media kroate.

Tubimi filloi me himnet e Serbisë dhe Rusisë, dhe protestuesit mbanin flamuj rus dhe serb dhe brohoritën “Rusi, Rusi”, “Serbët dhe rusët janë vëllezër përgjithmonë”, “Tradhëti, tradhëti” dhe “Vuçiç shqiptar, e tradhtove Serbinë”.

Protestuesit më pas parakaluan para ambasadës ruse.