Berisha Bllokimi i ligjeve mesazh negativ per vendin

Kryeministri Sali Berisha i bëri sërish thirrje kryetarit të opozitës Edi Rama të votojë tre ligjet në Parlament, duke ofruar, sipas tij, zgjidhjen për çështjen e Fierit.

"Bllokimi i votimit në Kuvend të tre ligjeve, kyçe për marrjen e statusit, janë një mesazh negativ për vendin. Oferta që kemi bërë për Fierin është më dinjitozja dhe kundërshtimi është mungesë vullneti për të votuar ligjet", tha Berisha.

Duke folur në mbledhjen e grupit kuvendor demokrat, Berisha kujtoi se Komisioni Europian i ka tërhequr vëmendjen politikës shqiptare për bashkëpunim mes partive.