Berisha: Pensionistet do marrin shperblimin

Kryeministri Berisha perseriti dje premtimin e tij per nje shperblim prej 5 mije lekesh per pensionistet, me rastin e festave te fundvitit. Sipas kreut te ekzekutivit, kalimi i shumes se percaktuar per kete qellim do te behet nepermjet nje dekreti te posacem, qe qeveria do t’ia kaloje Kuvendit per miratim. Ne te njejten kohe, ai ka garantuar se procedura e ndjekur do te jete shume e shkurter, me qellim qe pensionistet te merrnin shperblimin e tyre te fundvitit ne nje kohe relativisht te shkurter. “Do te operohet me dekret per faktin se ai duhet te hyje menjehere ne fuqi, para votimit, ne menyre qe Instituti i Sigurimeve Shoqerore te ndermarre te gjitha masat per dhenien sa me shpejt te kesaj shume”, theksoi Kryeministri Berisha, gjate mbledhjes se Grupit parlamentar te PD-se. Sipas tij, ndonese shuma qe do t’ju ndahet pensionisteve shkon deri ne 30 milione dollare, festat e fundvitit nuk mund te beheshin pa nje shperblim per ta. Duke nxjerre ne pah pikerisht dhe perpjekjen e qeverise qe me kete shperblim t’i jepej fund edhe “demit” qe inflacioni i kishte shkaktuar pensioneve te qytetareve. Ne rast se edhe kete vit do te aplikohet e njejta skeme si vitin e kaluar, atehere pritet qe te perfitojne rreth 536 mije pensioniste ne te gjithe vendin.
“Ne kete menyre iu dha pergjigjja me e merituar inflacionit. Kjo gje mbiindekson pensionet dhe me kete shperblim tejkalohet qartesisht niveli i inflacionit. Ky eshte nje lehtesim shume i madh per ne”, deklaroi Berisha, duke falenderuar ne menyre te vecante ministrin e Financave, Ritvan Bode, per punen qe kishte bere per perllogaritjen e kesaj shume. Nderkohe qe, dje, Berisha theksoi se nga Ministria e Financave eshte percaktuar edhe shperblimin qe do te marrin punonjesit e administrates, me rastin e festave te fundvitit. Sipas tij, shperblimi i punonjesve te administrates eshte i percaktuar ne fondin e pagave dhe ajo shperndahet nga te gjitha institucionet, sipas percaktimit qe ka. Sipas deklaratave te meparshme te Berishes, punonjesit e administrates shteterore do te shperblehen me 10 mije leke mbi rrogen e muajit dhjetor dhe pritet qe 105 mije buxhetore te perfitojne nga shperblimi i fundvitit. Keto shperblime te fundvitit jane kthyer ne nje tradite per te gjithe qeverite qe me rastin e festave te fundvitit kenaqin shtresat me ne nevoje si pensionistet dhe buxhetoret.
Pensionistet
Jane rreth 530 mije pensioniste do te perfitojne nga shperblimi i fundvitit. Keshtu, shperblimi prej 5 mije lekesh do t’i kushtoje qeverise 30 milione USD me pak nga buxheti i shtetit. Te gjithe pensionistet ne vend do te kene mundesi te jene me doreleshuar gjate diteve te festave, per t’i festuar ato ashtu sic do t’i festonte nje familje me te ardhura normale.
Buxhetoret
Qeveria nuk do te harroje kete vit as shperblimin per buxhetoret e administrates shteterore, te cilet do te kene mundesi te marrin ne muajin dhjetor, 10 mije leke per festat e fundvitit. Berisha lajmeroi dje se nga Ministria e Financave jane kryer te gjitha procedurat qe i hapin rruge shperblimit te buxhetoreve ne te gjithe vendin, me rastin e festave.
Tradita
Pothuajse te gjitha qeverite pluraliste pergjate muajit dhjetor kane shperblyer shtresa me te ardhura te pakta financiare, sic jane pensionistet dhe buxhetoret. Berisha deklaroi dje se festat e fundvitit s’mund te beheshin pa nje shperblim per ta. Kjo tradite eshte ndjekur edhe nga paraardhesit e tij, te cilet ne fakt kane dhene rroge te 13-te.
5 mije leke eshte masa e shperblimit te fundvitit per pensionistet
530 mije pensioniste do te perfitojne nga shperblimi i fundvitit
30 milione dollare do te jete efekti financiar per shperblimet
20 dhjetori eshte data qe mendohet te filloje shperndarja
10 mije leke shperblim do te marrin buxhetoret ne te gjithe vendin
105 mije buxhetore do te perfitojne nga shperblimi i fundvitit
Procedura, si do shperndahen shperblimet e pensionisteve
Per te bere te mundur dhenien e ketij shperblimi, pritet qe qeveria te miratoje nje dekretligj, i cili do t’u hape rruge procedurave te metejshme per shperblimin e kesaj kategorie. Me pas do te jete Kuvendi i Shqiperise, i cili do te miratoje dekretligjin qe do t’i hape rrugen shperndarjes se ketij shperblimi. Pas miratimit te dekretligjit, do te nis hartimi i listave te emrave dhe pergatitjes se urdherpagesave qe do te shperndahen ne zyrat e postes, ku behet edhe shperndarja e pensioneve. Mendohet qe ky shperblim te shperndahet ne 10-diteshin e fundit te ketij muaji, ne menyre qe te gjithe pensionistet te mund te marrin shumen prej 5 mije lekesh, qe pritet te jepet ne forme shperblimi. Per te mos krijuar probleme ne shperndarjen e pensioneve, si dhe perfundimin e dhenies se ketij shperblimi, Instituti i Sigurimeve Shoqerore do te hartoje nje grafik, i cili do te mundesoje shperndarjen pa probleme te tij. Sipas ketij grafiku, pensionistet do te marrin pensionin ne daten e caktuar, si dhe shperblimin perkates, nderkohe qe pas ores 13 do te jepet pensioni per ata pensioniste qe u ka kaluar data e pensionit.