Kapet Bajri, vrasesi i policit dhe tutori Kane
Agjentet e Interpolit fusin ne kurth pas disa vitesh dy persona shume te kerkuar ne Gent te Belgjikes dhe Milano te Italise. Burime zyrtare te policise thane mbreme se te ndaluarit jane Behar Bajri (Rustemi), 27 vjec, nga Shkodra, me shume precedente kriminale dhe Arjan Kane, 37 vjec, nga Fieri. I pari i denuar me 9 vjet burg dhe tjetri me 15 vite heqje lirie. I shumekerkuari Bajri mesohet se eshte ndjekur per disa dite me radhe ne Belgjike nga agjentet e Interpol Tiranes, ne qytetin Gent. Bajri eshte i njohur si kontingjent kriminal per shkak te kryerjes se disa krimeve te renda ne qytetin e Shkodres, si vrasjen me arme zjarri te punonjesit te policise, Petrit Demiri, krim per te cilin eshte denuar me vetem dy vjet burg. Nderkaq eshte denuar me 9 vjet heqje lirie dhe 2 milione leke gjobe nga Gjykata e Apelit per Krime te Renda Tirane per kryerjen e vepres penale te “shtrengimit me ane te kanosjes, ose dhunes per dhenien e pasurise”. Gjithashtu, Bajri eshte autori i dyshuar per disa vrasje te kryera ne qytetin e Shkodres. Burime policore thane se 27-vjecari i cilesuar edhe si “Nehat Kulla” i Shkodres, perdorte gjeneralitete false me emrin Mitko Kamenov, i datelindjes 25 maj 1978. Zyrtare te policise thane gjithashtu se, dy dite me pare, ne Milano eshte vene ne pranga dhe Arjan Kane, i denuar me 15 vjet burg, i shpallur ne kerkim nderkombetar nga Interpol Tirana, pasi akuzohet per vepren penale te “shfrytezimit te prostitucionit ne rrethana renduese”. Gjykata e Krimeve te Renda Tirane e denoi ne mungese disa dite me pare, me 15 vjet heqje lirie.
A.Cena