Berisha: Rama ka projektuar 523 resorte që do të përjashtohen nga taksat

TIRANË, 24 qershor/ATSH/ Kryetari i Partisë Demokratike, Sali Berisha bëri të ditur sot se  Edi Rama ka projektuar 523 resorte dhe hotele në zonat turistike, një infrastrukturë gjigante që e ka përjashtuar 10 vite nga taksat.

Gjatë një konference për shtyp, Berisha iu referua materialeve të publikuara në librin “Dosjet shqiptare”, i cili flet për 60 studiot ndërkombëtare të arkitekturës që punojnë në Shqipëri.

“Edi Rama e trajton Shqipërinë si një sulltanat të tij, si një pronë private dhe regjimin e tij si një regjim kolonial ndaj shqiptarëve. Mediet kanë zbuluar librin famëzi ‘Dosja’. A ka shfrytëzim më të egër se ky? Ky është sistem tipik kolonial. Nuk ka asgjë të përbashkët me ligjin themelor të shtetit, Kushtetutën, por edhe ligjin ndërkombëtar të investimeve”, tha Berisha.

Sipas tij, “të imagjinosh zhvillimin e dhjetëra-milionë metra katrorë troje të zonave më turistike, si butikët në aeroport pa taksa, do të thotë të vendosësh atë sistem nga i cili njerëzimi është ndarë prej kohësh”.

“Shqipëria është nga më të paktat vende në punë ku miliarderët vijnë dhe marrin miliona litra naftë me një të katërtën e çmimit që blen fermeri shqiptar. Dhe tani në librin e tij, Edi Rama, të mbajtur sekret ndaj shqiptarëve, të papublikuar ndonjëherë, rreshton 523 projekte për zhvillim, ndërtim në të katër anët e vendit”, shtoi ai.

Po ashtu Berisha theksoi se “Rama gllabëroi Livadhën dhe kanionin e Gjipesë me projekte luksoze që janë pa emrin e zhvilluesit”.

“Në Livadh të Himarës libri liston Livadh Resort, në projekt prej 242 mijë metrash katrorë. E gllabëroi Livadhën, që është ajka dhe kurora më e bukur e Himarës. Tani na del Gjipeja, një nga plazhet më të veçanta të jugut. Shfaqet një projekt luksoz, një hotel prej xhami në rajon. Projekti top sekret, nuk ka zhvillues”, shtoi ai.

/m.m/a.f/r.e/