Berisha: Shndërruam në realitet të prekshëm të gjitha premtimet

Kryeministri Berisha shpërndau dje në Sukth karta anëtarësimi për 430 të rinj të cilët iu bashkuan Partisë Demokratike

Partia Demokratike ka çelë fushatën e anëtarësimeve dhe mosha të ndryshme të rinjsh e të rejash po regjistrohen prej kohësh në partinë më të madhe në vend. Përmes një ceremonie të veçantë, 430 të rinj e të reja të bashkisë së Sukthit iu bashkuan ditën e djeshme Partisë Demokratike. Kryetari i PD-së dhe njëherazi Kryeministri i vendit Sali Berisha, duke shpërndarë karta anëtarësimi për anëtarët më të rinj të Partisë Demokratike, shprehu kënaqësinë dhe vlerësimin, për vendimin që të rinjtë e Sukthit kanë marrë për tu anëtarësuar dhe për tu bërë veprimtarë politik të Partisë Demokratike, e cila, siç tha kryeministri, u themelua si parti e lirive dhe të drejtave njerëzore, si parti e vlerave më të arrira njerëzore dhe hyjnore të njeriut. 

“Ju anëtarësoheni sot në Partinë Demokratike, që u themelua në nëntorin e vitit ‘90 si parti e të 

drejtave dhe lirive të qytetarëve shqiptarë, të cilat i kishin të ndaluara me kushtetutë, u themelua si parti 

e lirisë së fjalës, e lirisë së lëvizjes, 

e lirisë së sipërmarrjes, e lirisë së 

besimit. Mbi këto liri është e ndërtuar 

çdo shoqëri e lirë, është i ndërtuar 

dinjiteti i çdo individi, është e ndërtuar 

mirëqenia e zhvillimi i çdo individi, 

familje, vendi dhe shoqërie. Unë shoh 

këtu se të gjithë ju jeni të rinj, jeni 

gjeneratë e lirisë. Në këtë kontekst, ju 

po hyni në shtëpinë tuaj, në shtëpinë 

e lirisë, ju po bashkoheni me forcën 

politike, e cila është promotor i lirive 

dhe të drejtave njerëzore në Shqipëri, 

promotor i dinjitetit njerëzor. Ju 

anëtarësoheni sot dhe nisni jetën 

tuaj politike si anëtarë të një force, 

e cila pas themelimit të saj ia doli 

duke fituar besimin e madh popullor të mbarë shqiptarëve; ia doli të hedhë mënjanë zgjedhën komuniste, 

sistemin totalitar të barbarizmave 

më të mëdha që shqiptarët kishin 

njohur; ia doli që me besim të madh 

tek liritë dhe vlerat të ndërtojë 

në Shqipëri ekonominë e tregut, 

ekonominë e bazuar në sipërmarrjen e 

lirë, në iniciativën e lirë të qytetarëve 

shqiptarë; ia doli që me programin e 

saj të hapë Shqipërinë drejt botës, 

ta anëtarësojë atë në Këshillin e 

Evropës dhe, më pas, ta anëtarësoje 

atë në Aleancën e Atlantikut të Veriut 

edhe t’i japë Shqipërisë aleatët më 

të fuqishëm të të gjitha kohërave; 

ia doli të firmosë me Bashkimin 

Evropian Marrëveshjen e Stabilizim - 

Associmit; ia doli që 2-3 javë më parë 

Komisioni Evropian të rekomandojë 

Shqipërinë për statusin e vendit 

kandidat. Ju anëtarësoheni në një 

forcë politike, e cila i përket Partisë 

Popullore Evropiane (PPE), forcës 

politike më të fuqishme që Evropa ka 

njohur në tërë historinë e saj, partive 

politike që ndërtuan Evropën e lirë të 

pas lufte dhe që janë aleatë të Partisë 

Demokratike”, u shpreh Berisha. 

Duke theksuar se Partia Demokratike 

ka shndërruar në realitet të prekshëm 

premtimet e saj, kreu i qeverisë tha 

se sot Shqipëria është vite dritë larg 

asaj që ishte 20 vjet më parë. 

“Me vendimin tuaj fisnik ju 

bashkoheni me një forcë politike, me 

të cilën do të ndiheni krenarë për të 

shkuarën, të sotmen dhe të ardhmen 

e saj. Ju anëtarësoheni sot në partinë 

politike të fjalës së mbajtur. Gjatë 

20 viteve Partia Demokratike ka 

shndërruar në realitet të prekshëm 

për çdo qytetar të gjitha premtimet 

e saj të mëdha. Gjatë këtyre viteve 

Partia Demokratike me programin e 

Kryeministri Berisha shpërndau dje në Sukth karta anëtarësimi për 430 të rinj të cilët iu bashkuan Partisë Demokratike

Berisha: Shndërruam në realitet 

të prekshëm të gjitha premtimet

saj ka bërë që Shqipëria të jetë sot 

vite dritë larg asaj që ishte 20 vjet më 

parë”, tha ai. 

Kryeministri Berisha u ndal tek 

vëmendja që qeveria i ka kushtuar 

këto vite rinisë dhe veçanërisht 

shkollimit të tyre. 

“Unë nuk dua të ndalem e të flas 

këtu për 20 vite më parë, por do të 

ndalem vetëm në disa momente 

të 6 apo 7 viteve më parë. Në vitin 

2005, studentët duhet ta dinë se në 

Shqipëri më pak se ¼  e maturantëve 

kishin mundësi të uleshin në bankat 

e universiteteve, duhet ta dinë se 

në vitin 2005 në Shqipëri për 1 mijë 

banorë kishte katër herë më pak 

studente dhe studentë sesa në 

mesataren e vendeve Evropiane, 

duhet ta dinë se në Shqipëri në vitin 

2005 ëndrra universitare, ëndrra 

intelektuale e shumicës dërrmuese 

të gjimnazistëve shqiptarë rrënohej, 

sepse ata nuk mund të ndiqnin 

studimet. Ne premtuam se kësaj do 

t’i japim fund, se do të bëjmë gjithçka 

që çdo gjimnazist dhe gjimnaziste e 

këtij vendi të mund të bëjë të vërtetë 

ëndrrën e bukur universitare, ëndrrën 

e diplomës, ëndrrën e tij intelektuale. 

Nga 12 studentë për 1 mijë banorë që 

kishim, ne sot kemi 51 studentë për 

1 mijë banorë dhe qëndrojmë mbi 

mesataren Evropiane. Për ne shkollimi 

i të rinjve, i fëmijëve tanë është 

përparësia e të gjitha përparësive. Po 

kështu, në rast se në vitin 2005 rreth 

63 për qind e fëmijëve që mbaronin 

arsimin e detyruar regjistroheshin në 

gjimnaze, sot 92 për qind  e të gjithë 

atyre që mbarojnë arsimin 9-vjeçar 

regjistrohen në gjimnaz”, u shpreh 

Kryeministri, duke nënvizuar se gjatë 

qeverisjes nga Partia Demokratike u 

bë realitet edhe shtrirja e internetit 

në çdo shkollë. “Ne premtuam 

vetëm pak vite më parë se do të 

shtrinim internetin në çdo shkollë, 

se interneti dhe kompjuteri nuk do 

të jenë kurrë më “mollë e ndaluar” 

për fëmijët shqiptarë. Ne e mbajtëm 

fjalën tonë dhe do të bëjmë gjithçka 

që në duart tuaja, në mendjen dhe në 

dispozicionin tuaj të jenë teknologjitë 

më të avancuara”, tha ai. 

Anëtarësimi i Shqipërisë në NATO 

dhe liberalizimi i vizave, janë 

gjithashtu premtime të realizuara 

nga qeverisja e Partisë Demokratike. 

“Ne premtuam në vitin 2005 se me 

punë serioze do të bëjmë gjithçka 

që Shqipëria të jetë anëtare e 

NATO-s dhe, përpara parashikimeve, 

Shqipëria u anëtarësua në Aleancën 

e Atlantikut të Veriut. Ne kishim një 

premtim të hershëm, të dhjetorit 

të vitit ’90, “Ta bëjmë Shqipërinë 

si Evropa” dhe ky ishte premtimi 

ynë solemn. Ndaj dhe në vitin 2005 

ne përcaktuam si objektiv madhor 

përpjekjet për heqjen e vizave për 

shqiptarët dhe sot shqiptarët lëvizin 

të lirë në mbarë Evropën”, theksoi 

Berisha. 

Programi ekonomik i PD, programi më i shkëlqyer për familjet shqiptare

Rritja e të ardhurave dhe zhvillimi 

ekonomik ishte një tjetër çështje e 

prekur nga Kryeministri. Ai theksoi 

se të ardhurat janë rritur me 9 mijë 

dollarë, nga 204 dollarë që ishin në 

vitin 1992. “Po të pyesni prindërit 

apo gjyshërit tuaj, ata mund t’ju 

tregojnë ju shumë aspekte të 

regjimit totalitar në vendin tonë, 

të cilat ju i keni shumë të vështira 

edhe t’i imagjinoni, e keni shumë 

të vështirë të pranoni se mund 

të kenë ndodhur. E vërteta është 

se trashëgimia e këtij vendi ka 

qenë varfëria dhe mjerimi më i 

tejskajshëm. Dhe ky mjerim nuk 

ka qenë vetëm në Ishëm, në zonat 

kodrinore-malore, në Tropojë, në 

Mokër apo zona të tjera, por edhe 

këtu në Sukth dhe në çdo skaj të 

vendit. Të ardhurat ishin aq sa 

njerëzit mezi mbanin frymën me 

to. Sot këto të ardhura nuk janë aty 

ku duam ne, por nga 204 dollarë 

që ishin në vitin ’92 sot janë rreth 

9 mijë dollarë, në mesataren e 

përgjithshme, dhe janë me tendencë 

për tu rritur. Ju dëgjoni çdo ditë sesa 

e egër është kriza në disa vende 

përreth dhe dëgjoni çdo ditë se 

politikat e drejta që ndoqi qeveria 

parandaluan krizën në Shqipëri. 

Ndaj dhe ju bashkoheni me Partinë 

Demokratike, sepse programi i 

saj ekonomik është programi më i 

shkëlqyer për familjet shqiptare. Ju 

bashkoheni sot me forcën politike, 

e cila po ndryshon Shqipërinë me 

shpejtësinë më të madhe”, theksoi 

kryeministri. 

   Projekti i PD për Shqipërinë Evropiane

Më tej, shefi i ekzekutivit ftoi që edhe 

të rinjtë nga qytete të tjera të vendit 

t’i bashkohen Partisë Demokratike, 

të bashkohen në projektin e madh 

Shqipëria vend i zhvilluar. “Ftoj të 

rinjtë shqiptarë të bashkohen në 

projektin tonë të madh, projektin e 

Shqipërisë vend i zhvilluar, projekti 

i ëndrrës tuaj më të bukur, projekti 

i Shqipërisë Evropiane. Ftoj degët 

e Partisë Demokratike në mbarë 

vendin që të frymëzohen e të marrin 

shembull nga ju. Le të jetë ky një akt 

frymëzues për të gjithë të rinjtë dhe 

të rejat në Shqipëri, qytetarët dhe 

qytetaret e vendit, për t’u bashkuar 

së bashku në projektin e madh 

të Shqipërisë vend i zhvilluar, të 

Shqipërisë Evropiane”, deklaroi më 

tej kryeministri Sali Berisha. 

Përpos treguesve pozitiv në 

zhvillimet ekonomike ku ndryshimi 

është i prekshëm, turizmi është 

një tjetër sektor që mori hov nën 

qeverisjen e Partisë Demokratike. 

Në vitin 2004 Shqipërinë me bukuritë 

mahnitëse, me plazhe ndër më të 

bukurat në Mesdhe, me male dhe 

me peizazhe magjepsëse, e vizitonin 

gjithsej 300 mijë turistë. Ndërsa jo 

më larg se një vit më parë, turistët 

që vizituan Shqipërinë ishin 4 milion 

e 1 mijë; këtë vit numri i turistëve 

është akoma edhe më i lartë. Kësisoj, 

Shqipëria është shndërruar në një nga 

destinacionet më të pëlqyera e më të 

preferuara turistike të rajonit dhe më 

gjerë. Gjithashtu, Partia Demokratike 

në një hark kohor 6 vjeçar po ndërton 

në Shqipëri infrastrukturën më 

moderne në rajon dhe më gjerë. Nga 

2430 kilometra rrugë të asfaltuara 

që kishte në fillim të vitit 2006, gjatë 

këtyre viteve janë asfaltuar mbi 10 

mijë kilometra të tjera. 

 Internet falas në 1250 pika në të gjithë vendin

“Të gjithë ju jeni në moshën e 

internetit. Imagjinata juaj është 

pasuri e jashtëzakonshme për ju, për 

familjet tuaja, por edhe për shoqërinë 

shqiptare. Ne vendosëm hapin e parë 

‘internet në shkollë’, por brenda datës 

15 nëntor do të shpërndajmë internet 

falas në 1250 pika në mbarë vendin. 

Dhe këtu në bashkinë tuaj do të jenë 

disa pika. Ne do të bëjmë gjithçka që 

edhe pjesa tjetër ta ketë internetin 

me çmimet më të ulëta. Interneti ka 

magjinë e tij, ka fuqinë e tij. Njeriu mund 

të komunikojë me miqtë e tij dhe të 

shkëmbejë mendime, të ndajë gëzime 

e dije të ndryshme. Po ashtu, edhe ju 

në Facebook mund të komunikoni me 

një numër të madh miqsh, të ndani 

me njëri-tjetrin ndjenjat, respektin, 

dashurinë, dijet, dëshirat dhe e 

shndërroni Facebook-un apo internetin 

në tërësi në një shkollë të dytë, në një 

kurs të dytë, në një mrekulli të vërtetë. 

Ndaj dhe ne do të bëjmë gjithçka që 

Shqipëria dixhitale të jetë gjithnjë e më 

shumë në lartësinë e imagjinatës suaj 

të mrekullueshme”, u shpreh midis të 

tjerave Kryeministri Sali Berisha.