Berisha-Topi, takim koke me koke ne Presidence

Presidenti i Republikes, Bamir Topi, zhvilloi dje nje takim koke me koke me Kryeministrin Sali Berisha. Per te dyten here ne me pak se dhjete dite, kreu i shtetit pret ne Presidence kreun e ekzekutivit, per te diskutuar per ceshtjet me te rendesishme. Takimi u zhvillua ne oret e para te dites. Rreth ores 10:30 te mengjesit, Kryeministri u pa te hyje ne Presidence, per te dale prej andej shume shpejt, pasi ne 11:00 ishte percaktuar mbledhja e qeverise. Burimet zyrtare nga Presidenca e cilesuan per gazeten takimin e djeshem si nje takim rutine mes dy personaliteteve. Por, ne fakt, Topi dhe Berisha u takuan pikerisht disa ore para mbledhjes se Kryesise se Partise Demokratike, e cila nuk ishte thirrur me pas zgjedhjes se ministrit te ri te Drejtesise, Enkelejd Alibeaj. Takimet mes Topit dhe Berishes kane qene te shpeshta per kete vit, aq sa tashme cilesohen si rutine nga Presidenca. Vetem pak dite me pare, me 9 janar, Topi priti serish kreun e ekzekutivit ne zyren e tij e nga mbledhja koke me koke mes tyre nuk dolen shume detaje mbi takimin qe u zhvillua, po ne oret e para te mengjesit. Takim i cili u pasua me pas nga nje dreke pune e Presidentit Topi me deputete mbeshtetes te tij, mes te cileve dhe zv.kryeministrin Oketa dhe ministrat Basha e Bregu. Presidenca nuk ishte nje dere e parapelqyer per Kryeministrin Berisha kur ajo drejtohej nga ish-presidenti Alfred Moisiu. Vizitat e tij, por edhe Kryetares se Kuvendit ne Presidence ishin tejet te rralla, ne krahasim me takimet e tanishme mes paleve.