Berisha takon drejtorin e NAAC, Avni Mustafaj

Temë kryesore e bisedimeve ishte shpallja e vendimit të Gjykatës Ndërkombëtare të Drejtësisë lidhur me pavarësinë e Kosovës.

Kryeministri Berisha theksoi se "ky vendim përbën për të gjithë shqiptarët fitoren më të rëndësishme në historinë e tyre, shpërblimin më të madh dhe mirënjohjen më të thellë ndaj të gjithë atyre që me sakrificën e tyre sublime, me luftën dhe përpjekjet e tyre bënë të mundur pavarësinë e Kosovës".

Mustafaj, nga ana e tij vlerësoi kontributin dhe përpjekjet e jashtëzakonshëm të qeverisë shqiptare në njohjen e pavarësisë së Kosovës.