Berlusconi kërcënohet me plumb në zarf

Një zarf me plumb pistolete mbërriti gjatë mbrëmjes në redaksinë e së përditshmes italiane “Il Giornale”, gazetë e familjes Berlusconi, ndërsa në letrën shoqëruese kërcënohej me vdekje Kryeministri i Italisë.

Lajmi u bë e ditur nga vetë “Il Giornale”, që publikoi pak më parë lajmin në faqen e internetit.

Plumbi ishte i një pistolete të kalibrit 40, “Smith & Wesson”, ndërsa në fillimin e letrës ishte sigla e yllit me pesë cepa të Brigadave të Kuqe, një organizatë terroriste italiane e ekstremit të majtë.

Nuk dihet nëse autorësia është me të vërtetë e Brigadave të Kuqe, që nuk kanë marrë përsipër asnjë krim në vitet e fundit.